كەشناسیی هەرێم پێشبینییەكانی كەشوهەوای ئەمڕۆ و سبەی ئاشكرادەكات و دەڵێت ئاسمان ساماڵ و پەڵەهەور دەبێت.
بەڕێوەبەرایەتیی گشتی كەشناسی و بومەلەرزەزانی هەریم رایگەیاند، ئەمڕۆ كەشوهەوای شارەكان ساماڵ و پەڵە هەور دەبێت و خێرایی با لەسەرخۆ و لەنێوان (5- 10) کم لە كاتژمێرێكدا دەبێت.
هەروەك پلەكانی گەرما كەمێك بەرزدەبێتەوە بەراود بە تۆمارەكانی دوێنی.
سەبارەت بە كەشوهەوای سبەینێ دووشەممەش، بەپێی پێشبینییەكان ئاسمان ساماڵ و پەڵە هەور دەبێت، پلەكانی گەرما بە نزیكەی (1 تـــا 2) پلە نزم دەبێتەوە، بەراورد بە تۆمارەكانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر : 17 پلەى سیلیزى
سلێمانی : 16 پلەى سیلیزى
دهۆک : 15 پلەى سیلیزى
کەرکوک : 18 پلەى سیلیزى
هەڵەبجە : 16 پلەى سیلیزى
زاخۆ : 16 پلەى سیلیزى
سۆران : 15 پلەى سیلیزى
گەرمیان : 19 پلەى سیلیزى
