توێژینەوەیەکی زانستی سەلماندوویەتی 24% گەنجانی جیهان بەهۆی گوێگرتن لە گۆرانی بە دەنگێکی بەرز و لە رێگەی هێدفۆنەوە ئەگەری لەدەستدانی هەستی بیستنیان هەیە.
د. لۆرین دیلارد مامۆستای زانکۆی کارۆلینا و نووسەری توێژینەوەکە دەڵێت، “لە توێژینەوەکەماندا دەرکەوتووە، گوێگرتن لە گۆرانی بە شێوەی ناتەندروست لە ناو گەنجاندا زۆر بەربڵاوە، بە شێوەیەک یەک ملیار گەنج لە جیهاندا لەژێر مەترسی لەدەستدانی هەستی بیستندان”.
ئاماژەی بەوەشکردووە، “بەکارهێنانی هێدفۆن سنووری رێگەپێدراوی تێپەڕاندووە و ژیانی گەنجەکانی کردووەتە مەترسییەوە”.
ئاشکراشی کردووە، “24% ی گەنجان ئەگەری لەدەستدانی هەستی بیستنیان هەیە، کە رێژەی 48% یان تەمەنیان لە نێوان 12 بۆ 34 ساڵاندایە”.
