كۆمپانپای سامسۆنگ تایبەتمەندییەكانی ئامێری مۆبایلی گالاكسی A34ی ئاشكراكرد و دەڵێت، تەكنیكی بەرزە.
بەپێی زانیارییە ئاشكراكراوەكان، مۆبایلی گالاكسی “A34” دەبڵ سیمكارت و دژەئاو و دژەتۆز دەبێت، كێشی ئامێرەكە 205 گرامە و قەبارەی شاشەكەی 6.8 ئینچە.
كوالێتیی نیشاندانی وێنە لە شاشەی گالاكسی A34دا 1080/2400 دەبێت و رووكارەكەی دژەشوخت و شكانە و بە شووشەی Corning Gorilla Glass رووپۆشكراوە، ئامێرەكە بە سیستمی ئەندرۆید كاردەكات و تەكنیكی 5 نانۆمیتەری تیادا بەكارهێنراوە، قەبارەی یادگەكەی دەگاتە 512 گێگابایت.
كامێراكانی گالاكسی “A34” پەرەیانپێدراوە و سەرەكییەكەیان سێ زوومی هەیە و كوالێتییەكەی (64+13+2) مێگاپێكسڵە و توانای باترییەكەی 5050 میلـلی ئەمپێرە.
