بەکارهێنەرانی واتسئەپ لە کاتی پەیوەندیکردن لەگەڵ کەسانی دیکەدا رووبەڕووی چەند رێگری دەبنەوە لە قەبارەی ڤیدیۆکان و ژمارەی ئەو وێنانەی دەبێت بینێرن.
ماڵپەڕی WaBetaInfoکە ماڵپەڕێکی تەکنیکییە و لە نزیکەوە چاودێریی پێشهاتەکانی واتسئەپ دەکات، رایگەیاندووە، ئەو سنووردارکردنەی واتسئەپ دایناوە بۆ ناردنی وێنە لەکاتی پەیوەندییەکاندا کە نابێت لە 30 وێنە زیاتربێت بەمزووانە کۆتاییدێت.
بەپێی گۆڕانکارییەکانی واتسئەپ، بەکارهێنەر دەتوانێت لە یەک نامەدا دەتوانێت 100 وێنە بنێرێت.
ئاماژە بەوەشکراوە، ئێستا تایبەتمەندییە تازەکە لە تاقیکردنەوەدایە و لەگەڵ ئەپدەیتی نوێی واتسئەپدا ئەو گۆڕانکارییە دەخرێتە بەردەستی بەکارهێنەران.
