وەزارەتی گواستنەوە و گەیاندنی هەرێم هۆشداری لەو شەپۆلی بارانبارینەوە دەدات کە پێشبینی دەکرێت هەرێم بگرێتەوە و لافاو لە هەندێک شوێن دروست بێت.
فەرمانگەی میدیا و زانیاری ئەمڕۆ پێنجشەممە بڵاویکردووەتەوە، “شەپۆلێکی چڕی بارانبارین هەرێمی کوردستان بە تایبەت پارێزگای هەولێر و باکوری پارێزگای سلێمانی دەگرێتەوە”.
ئاماژەی بەوەش کردووە، “کاتی هۆشداری لە پارێزگای هەولێر لە کاتژمێر 3:00 ی بەرەبەیان بۆ 3:00ی دواینیوەڕۆی رۆژی هەینییە، هەر کاتێک 20 ملم باران لە کاتژمێرێکدا ببارێت مەترسی لافاو دروست دەبێت”.
ئاشکراشی کردووە، “پێشبینی دەکرێت لە سنووری پارێزگای هەولێر لە سەرووی 35 میلیمەتر باران ببارێت لە ناوچە شاخاوییەکاندا لە سەرووی 50 ملم، لە پارێزگای سلێمانی سەروو 40 ملم، لە ناوچە شاخاوییەکانیشی سەروو 50 ملم بارانببارێت.
