ئاماری رۆژانەی تووشبوون بە کۆرۆنا لە چین ژمارەی پێوانەیی تۆمارکرد، کە تا ئێستا ئەو ژمارە زۆرەی تووشبووان تۆمارنەکراوە لەوەتەی ڤایرۆسەکە سەریهەڵداوە.
نوسینگەی تەندروستیی نیشتمانیی پەکین رایگەیاند، ئاماری دوێنێی تووشبووانی کۆرۆنا 31 هەزار و 454 کەس بوون، کە 27 هەزار و 517 حاڵەتیان بێ نیشانە بوون.
ئەمەش دوای ئەو ڕێکارە توندانە دێت کە حکومەتی چین لە پێناو کۆنترۆڵکردنی ڤایرۆسەکەدا گرتوونیەتییەبەر.
ئەو ئامارەی دوێنێ چین لە ژمارەی تووشبوواندا تۆماریکردووە زیاترە لە ژمارەی پێوانەیی پێشوو کە لە مانگی نیسانی رابردوودا لە شەنگەهای تۆمارکراوە کە ژمارەکە گەیشتە 29 هەزار و 390 تووشبوو.
