داهاتی نەوتی عێراق لە 10 مانگی ڕابردوودی ئەمساڵدا کە هەناردە کراوە گەیشتووەتە 100 ملیار دۆلار.
بەپێی ئامارێکی کۆمپانیای سۆمۆی عێراقی، “داهاتی هەناردەکردنی نەوتی 10 مانگی یەکەمی ساڵی 2022 گەیشتووەتە 99 ملیار و 646 ملیۆن و 786 هەزار و 336 دۆلار بووە”.
ئاماژە بەوەشکراوە، بڕی داهاتەکە بەراورد بە ساڵی 2021 بە ڕێژەی 65% بەرزبووەتەوە، کە دەکاتە 60 ملیار و 648 ملیۆن و 11 هەزار و 368 دۆلار.
بەپێی ئامارەکە، مانگی ئایاری ئەمساڵ زۆرترین داهاتی نەوتی تێدا تۆمارکراوە، کە داهاتەکەی 11 ملیار و 477 ملیۆن و 514 هەزار و چوار دۆلار بووە، هەروەها کانونی دووەم کەمترین داهاتی تێدا تۆمارکراوە کە داهاتەکەی هەشت ملیار و 322 ملیۆن و 679 هەزار و 526 دۆلار بووە.
