جارێکی دیکە عێراق و تورکیا لەبارەی میکانیزمەکانی گواستنەوەی نەوتی خاو بە بۆری عێراق-تورکیا، کۆبوونەوە.
وەزارەتی نەوتی عێراق رایگەیاند، بەردەوامین لە گفتوگۆکانمان لەگەڵ ئەنقەرە، تاوەکو بگەینە رێککەوتن و کۆمەڵێک میکانیزمی نوێ دابڕێژین لەبارەی هەناردەکردنی نەوتی خاوی عێراق، لە رێگەی بۆری عێراق-تورکیاوە
ئەوەشی خستەڕوو، کەشی گفتوگۆکان ئەرێنی بوون، ئەو رەشنووسانە تاوتوێکران کە لە رێگەیانەوە دەتوانین بگەینە تێگەیشتنێک بۆ بونیادنانی رێککەوتنێکی نوێ، هەوڵدەدەین بگەینە رێککەوتنێک کە بەرژەوەندی هەردوو وڵاتی تێدا پارێزراوبێت.
