بەیانی ئەمڕۆ لە ویلایەتی لۆس ئەنجلسی ئەمریکا لە کاتێکدا ژمارەیەک پۆلیس سەرقاڵی وەرزش و راهێنانی بەیانیانی خۆیان بوون ئۆتۆمبێلێک خۆی کرد بە ناویاندا و 25 کەسیان برینداربوون.
ئەمڕۆ پێنجشەممە پۆلیسی لۆس ئەنجلس بڵاویکردەوە، ” بەیانی ئەمڕۆ لە ویلایەتی لۆس ئەنجلسی ئەمریکا لە کاتێکدا ژمارەیەک پۆلیس سەرقاڵی وەرزش و راهێنانی بەیانیانی خۆیان بوون ئۆتۆمبێلێک خۆی کرد بە ناویاندا و 25 کەسیان برینداربوون، کە برینی پێنجیان سەختە و ژمارەیەکیشیان قاچیان لەدەستداوە”.
ئاماژەی بەوەش کرد، “ئۆتۆمبێلەکە بە پێچەوانەی ئاراستەی خۆی رۆیشتووە لەکاتی نزیکبوونەوە لە پۆلیسەکان خێراییەکەی کەم نەکردووەتەوە”.
تا ئێستا پۆلیسی ئەو ویلایەتە هیچ زانیارییەکی لە بارەی شۆفێری ئۆتۆمبێلەکە و هۆکاری رووداوەکەوە بڵاونەکردووەتەوە.
