بەڕێوەبەرایەتیی ئاسایشی سلێمانی رایدەگەیەنێت، كە دوو كەسیان لە باندێكی گەورەی دزیكردن دەستگیركرد.
بەپێی راگەیەندراوێكی بەڕێوەبەڕایەتیی ئاسایشی رۆژئاوای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، “هێزەكانمان دوو كەسیان لە باندێكی گەورەی دزیكردن دەستگیركرد كەپێكهاتبوون لە چوار كەس و ماوەی ساڵێكە خەریكی دزیكردنن و دوو كەس لە تۆمەتبارەكان بەناوەكانی (م ، ج ، م ) و ( ڕ ، ج ، م ) كە دانیشتووی چەمچەماڵ، ناحیەی شۆڕشن لەلایەن هێزەكانمان لە بەڕێوەبەرایەتیی ئاسایشی ڕۆژئاوای سلێمانی دەستگیركران”.
لە راگەیەندراوەكەدا هاتووە، تۆمەتبارەكان كوردن و دانیان بەوەدا ناوە كە لە سنووری ناحیەی پیرەمەگروون (محاویلەیەك)ی كارەبا كە كارەبا دەگەیەنێتە باخی هاوڵاتییان ، لێكردووەتە و دواتر پارچە پارچەیان كردووە و دزیوویانە لە درێژەی وتەكانیاندا ئاماژەیان بەوەشدا لە سنووری (قەزای چەمچەماڵ، ناحیەی تەكیەی جەباری، بانی مەقان) چەندین دزی جۆراوجۆریان كردووە.
ئاماژە بۆ ئەوەش كراوە، تۆمەتبارەكان بە بڕیاری دادوەری دادگەی لێكۆڵینەوە دەستگیركراون و بەپێی ماددەی 444 لە یاسای سزادان راگیراون.
