کەمێک پێش ئێستا گەنجێک بە گولـلەی هاوڕێكەی لە شاری کەرکوک بریندارکرا.
لەبارەی رووداوەكەوە، موقەدەم عامر نوری وتەبێژی بەڕێوەبەرایەتیی پۆلیسی كەركوك بە ئێستای راگەیاند، کەمێک پێش ئێستا لە گەڕەکی شۆرجەی شاری کەرکوک، بەهۆی دروستبوونی شەڕ و دەمەقاڵێ لە نێوان دوو گەنجدا كە هاوڕێی یەكدین، یەكێكیان تەقەی لەوی دیكەیان كردووە.
وتیشی، گولـلەكە قاچی گەنجەكەی پێكاوە كە تەمەنی 19 ساڵە و بەهۆی ئەوەی هەردووكیان هاوڕێن، پێكەوە چوون بۆ نەخۆشخانە و لەوێ تەقەكەرەكە دەستبەسەركراوە و چارەسەری پێویست بۆ بریندارەكە دەكرێت.
