وەزارەتی كارەبای هەرێم رایدەگەیەنێت، وەزارەتەكە لە هیچ راگەیەندراو و لێدوانێك بەرپرسیار نییە كە لە دەرەوەی پەیجی وەزارەت بۆ ڕاكێشانی خوێنەر یاخود بە لاڕێدا بردنی ڕایگشتی نابەرپرسیارانە بڵاودەكرێتەوە.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، وەزارەت لە بەرامبەر هیچ راگەیاندراو و لێدوانێكدا بەرپرسیار نییە كە لە دەرەوەی پەیجی وەزارەت بۆ ڕاكێشانی خوێنەر یاخود بەلاڕێدا بردنی ڕایگشتی لە سایت و پەیجەكانی نابەرپرسیار بڵاودەكرێنەوە.
ئاماژە بۆ ئەوەش كراوە، وەزارەتی كارەبا تەنها لە ڕێگای پەیجەكەیەوە، كار و چالاكییەكانی بڵاودەكاتەوە و هەر لەم پەیجەوە بە ناوی وتەبێژی وەزارەتەوە لێدوان و ڕوونكردنەوەی پێویست لەبارەی پڕۆژە و چالاكییەكانی دەدات.
