تیمی پڕۆژەی رووناكی لەبارەی دیاریكردنی نرخی كارەبای 24 كاتژمێری بۆ هاوڵاتیان روونكردنەوەیەكی بڵاویكردەوە.
تیمی پڕۆژەی رووناكی لە راگەیەندراوێكدا بڵاویكردەوە، وەزارەتی كارەبا بەرپرسە لە دیاریكردنی نرخی كۆتایی كارەبای 24 كاتژمێری و ئامانجیان دانانی نرخێكی دادپەروەرانەیە بۆ سەرجەم هاوڵاتیان.
ئاماژەی بەوەشكراوە، ئەو نرخە كارەبایەی ئێستا بۆ هاوڵاتیان لەبەرانبەر كارەبای 24 كاژمێری دیاریكراوە، نرخێكی ئەزموونییە و نرخی جێگیر و كۆتایی لەلای خودی وەزارەتی كارەبای هەرێمە.
تیمی پڕۆژەی رووناكی ئاشكراشیكردووە، وەزارتی كارەبای هەرێم لە زووترین كاتدا نرخی كۆتایی بۆ كارەبای 24 كاتژمێری دیایدەكات.
