سەرۆك وەزیرانی عێراق ڕایدەگەیەنێت، ئاسایشی عێراق هێڵی سوورە و كوژرانی هاوڵاتییە ئەمریكییەكە لە عێراق تاوانێكی ترسنۆكانەیە و كات و وادەی تاوانەكەش نیشانەی پرسیاری لەسەرە.
محەمەد شیاع سودانی سەرۆك وەزیرانی عێراق لە كۆنگرەیەكی ڕۆژنامەوانیدا ڕایگەیاند، لە دوێنێوە لێكۆڵینەوەكان لەلایەن دەزگا ئەمنییەكانەوە دەستیپێكردووە و گەڕان بە دوای ئەنجامدەری تاوانەكە بەردەوامە و ئەو كەسەی ئەو تاوانەی ئەنجامداوە دەدرێتە دادگا.
ئاماژەی بۆ ئەوەش كرد، تەرخانكردنی 70 ملیار دینارەكەمان بۆ نووسینگەی سەرۆك وەزیرانی عێراق هەڵوەشاندووەتەوە.
