وەزارەتی دارایی و ئابووری هەرێم بڵاویکردەوە لەگەڵ وەزارەتی خوێندنی باڵا و توێژینەوەی زانستی بڕیاری پێویستیان لە بارەی پاڵپشتی دارایی خوێندکاران داوە.
ئەمڕۆ سێشەممە وەزارەتی دارایی و ئابووری هەرێم بڵاویکردەوە، “ئاوات جەناب نوری وەزیری دارایی و ئابووری لە دیوانی وەزارەت پێشوازی کرد لە د. ئارام محەمەد قادر وەزیری خوێندنی باڵاو توێژینەوەی زانستی”.
ئاماژەی بەوەش کرد، “لە کۆبوونەوەکەدا، وەزیری دارایی و ئابووری رۆڵی وەزارەتی خوێندنی باڵای لە ناو دام و دەزگاکانی حکومەت بەرز نرخاند لە پێگەیاندنی دەرچووانی زانکۆو پەیمانگاکان لە بازاڕی کاردا”.
ئاشکراشی کرد، “هەردوولا تاوتوێی چۆنیەتی چارەسەرکردنی ئاستەنگەکانى وەزارەتی خوێندنی باڵاو گرفتەکانى خوێندکاران کرد و بڕیاری پێویستیان لەسەر چۆنیەتی جێبەجێ کردنی کێشەکان و پاڵپشتى دارایی خوێندکاران دا”.
