بچوکترین شاخەوان کە تەمەنی 9 ساڵە توانی بە سەرکەوتووی هەردوو لوتکە سەختی چیای پیرەمەگروون بە سەرکەوتووی تێپەڕێنێت.
مەیلی مەروا یاسین، لە كۆمەڵەی شاخەوانیی كوردستان توانی لوتکەی P1ی شاخی پیرەمەگروون بە بەرزی (2,611) مەتر لە ئاستی رووی دەریاوە، لوتکەی P2ی شاخی گەڕی کڵاو بە بەرزی (2,568) مەتر لە ئاستی رووی دەریاوە ببڕێت.
بەپێی راگەیەندراوێكی كۆمەڵەكە، بەوە بووەتە یەکەم منداڵی شاخەوانی کوورد کە لەو تەمەنە بچوکەیە بتوانێت ئەو بەرزاییە زۆرە تێپەڕێنێت.
