پسپۆڕێكی هەناویی لە بەشی فریاكەوتنی نەخۆشخانەی شار لە سلێمانی رایدەگەیەنێت، پەتای وەرزیی ژیانی كەسی تووشبوو ناخاتە مەترسییەوە و دەشڵێت، “پێویستە كەسی تووشبوو پشوو بدات و چارەسەری پێویست وەربگرێت و دەبێت خواردن بخوات”.
د. هاوژین فازڵ پسپۆڕی هەناویی لە بەشی فریاكەوتنی نەخۆشخانەی شار لە سلێمانی لە لێدوانێكیدا بە تۆڕی میدیایی ئێستای راگەیاند، پەتا هەموو كات هەیە و ساڵانە لەم وەرزەدا روو لە زیادبوون دەكات و نیشانەكانیشی كەسی تووشبوو بێتاقەت دەكات بە تایبەت ئەو كەسانەی نەخۆشیی سییان هەیە و زۆرینەی ئەوانەی سەردانمان دەكەن چارەسەریان بۆ دەكەین و دەگەڕێنەوە ماڵەوە.
ئاشكراشیكرد، ئەو كەسانەی سەردانی نەخۆشخانە دەكەن، (تا، كۆكە، هەڵامەت و ئازاری جەستەیان) هەیە وەك كۆرۆنا مەترسی لەسەر ژیانی كەسانی تووشبوو نییە و گرنگە لەگەڵ وەرگرتنی چارەسەر كەسی تووشبوو پشوو بدات و خواردن بخوات و بەشێكی ئەوانەی خواردنیان بۆ ناخورێت سەردانی نەخۆشخانە دەكەن و چارەسەری پێویستیان بۆ دەكرێت و دەگەڕێنەوە ماڵەوە.
