پەیامنێری تۆڕی میدیایی ئێستا لە كەركوك گواستییەوە، ئەمشەو لە نزیك خوێندنگەیەكی گەڕەكی مووسەڵای شاری كەركوك بۆمبێكی چێندراو تەقییەوە و بەهۆیەوە چوار منداڵ برینداربوون.
ئاماژەی بۆ ئەوەش كرد، ئەو چوار منداڵە لە شووقەیەكی نیشتەجێبووندا بوون لەو گەڕەكە و بەهۆی تەقینەوەكەوە برینداربوون و دواتر گەیەندراونەتە نەخۆشخانەی ئازادی لە كەركوك و هێزە ئەمنییەكانیش لێكۆڵینەوەیان لە ڕووداوەكە دەستپێكردووە.
