لە كۆنگرەیەكی ڕۆژنامەوانیدا ئەختەر ئەحمەد دایكی د. كازم فاروق ڕایگەیاند، د.كازم لە سەرەتای ئەمساڵەوە نیشانەكانی نەخۆشییەكەی تێدا دەركەوت و لە مانگی شوباتدا تووشی خوێنبەربوون بوو دوای ئەوەی نێردرایە دەرەوە و پشكنینی بۆ كرا دەركەوت كە د.كازم فاروق ژەهرخوارد كراوە.
ئاماژەی بۆ ئەوەش كرد، “پێشتر كەسانێك خۆیان بە دۆستی د. كازم دادەنا، بەڵام لە كاتی نەخۆشكەوتنەكەیدا پشتیان تێكرد و ئێستاش هەر كەسێك ڕاستییەك لەسەر د. كازم فاروق بڵێت هێرشدەكەنە سەری”.
دایكی د.كازم ئاشكرایكرد، لە مانگی شوباتی ئەمساڵدا تووشی خوێنبەربوون بوو دوای پشكنینە پزیشكییەكان دەركەوت پشكنینەكانی پاك نەبوون و بۆیە نێردرایە دەرەوەی وڵات و چەند پشكنینێكی بۆ كرا و دواتر دەركەوت كە ژەهرخوارد كراوە.
جەختیشیكردەوە، ئەگەر بزانم هەر كەسێك كوڕەكەمی ژەهرخوارد كردووە لێیخۆش نابم و بە دەڕنەفیز چاوەكانی دەردەهێنم”.
