لە سنووری ناحیەی بەرزنجە چوار کەس بە تۆمەتی بڕینەوەی دار دەستگیرکران و دەستیش بەسەر بڕێک داری بڕاوەتەدا گیرا.
دەستەی ژینگەی هەرێم ئەمڕۆ چوارشەممە بڵاویکردەوە، “لە ئەنجامی دەرچوونی مەفرەزەیەکى بنکەی پۆلیسى دارستان و ژینگەى بەرزنجە بۆ سنورى (چەمی گەڵاڵ و گوندی پەرخ ) توانیان چوار هاوڵاتی دەستگیربکەن بەتۆمەتی داربڕین دەستیش بەسەر بڕێک داری بڕاوەدا گیرا”.
ئاماژەی بەوەش کرد، “پەڕاوی لێکۆڵینەوە بۆ تۆمەتبارەکان رێکخراوە و رادەستی بەڕێز دادوەر کراوە بۆ وەرگرتنی رێککاری یاسایی”.
ئاشکراشی کرد، ” دارستانەکان موڵکى هەمووانە لە پێناو زیادبوونى سەوزایى و کەشوهەوایەکى خاوین پێویستە لەسەر شانى هەموو تاکێک بیانپارێزیت، بەڵام زۆرن ئەو کەسانەى بێ گویدانە بەرپرسیاریەتى سروشت و ژینگە دەشێوێن”.
