بەڕێوەبەرایەتیی ئاسایشی ڕۆژئاوای سلێمانی ڕایدەگەیەنێت، چوار كەس بە تۆمەتی دزیكردن لە بەردەقارەمان دەستگیركران.
بەپێی ڕاگەیەندراوێكی بەڕێوەبەرایەتیی ئاسایشی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، هێزەكانمان
لە بەڕێوەبەرایەتیی ئاسایشی ڕۆژئاوای سلێمانی بۆ پاراستنی سەروماڵی هاوڵاتییان هەڵمەتێكیان، لە كۆمەڵگەی بەردەقارەمان (باینجان)ی سەر بە قەزای بازیان دەستپێكرد كە چوار تۆمەتبار لەلایەن هێزەكانمانەوە دەستگیركران و هەستاون بە بڕینی وایەری باخی ماڵی هاوڵاتییانی بەردەقارەمان و دزیویانە.
لە ڕاگەیەندراوەكەدا هاتووە، تۆمەتبارەكان سەرجەمیان دانیشتووی بەردەقارەمانن و بە بڕیاری دادوەری دادگەی لێكۆڵینەوەی چەمچەماڵ و بەپێی ماددەی 444 لە یاسای سزادانی عێراقی ڕاگیراون و دەستگیراوە بەسەر ماتۆڕێكی سێ تایەی و ئەو وایەرانەشی كە بڕیبوویان و دزیبوویان.
