چاڤی هێرناندێز ڕاهێنەری بەرشلۆنە دەڵێت پێویستە بردنەوە لە کلاسیکۆدا بەدەست بهێنین و ئامانجی سەرەکی یانەکەشی ئاشکراکرد کە ناسناوی خولی ئیسپانیایە.
دوپاتیشیکردەوە کە ئەوان لە ئیسپانیا باشتر دەبینرێن و 20 گۆڵیان کردوە و 1 گۆڵیشیان لێکراوە.
بەشێک لە قسەکانی چاڤی
/ یارییەکەى ئینتەر ئازاترمان دەکات پێویستە باشتر ئاگامان لە هێرشی هەڵگەراوە بێت
/ وەرزی رابردوو لە حاڵێکی خراپدا گەیشتینە کلاسیکۆ، ئەمڕۆ دەگەینە کلاسیکۆ و ئێمە پێشەنگین.
/ کلاسیکۆ سێ خاڵەو یارییەکی گرنگە, ئێمە دەمانەوێت لە پێشەنگدا بمێنینەوە
/ ئێستاش سورم لەسەر ئەوەى کە ئێمە لەسەر ڕێگە ڕاستەکەین, 20 گۆڵمان لەخولی ئیسپانی کردووە و یەک گۆڵمان لێکراوە، زۆر لە پێشتر باشترین
/ کۆندی لەسەدا سەد بۆ یاریکردن ئامادەیە
/ بۆسکێتس یاریزانێکی گرنگی ئێمەیە و کاپتنمانە
/ یاریی رابردوو بەهۆی هەندێ وردەکاری بچوکەوە یەکسان بوین، تیپەکە پابەندە و ئێمە لەسەرەتاى وەرزین
/ هەوڵ دەدەم گوێم لە ڕەخنەکان بێت، من سەرنجم لەسەر کاری خۆمە و هەوڵ دەدەم کلاسیکۆ براوە بین، ئێمە بەرشلۆنەین و دەبێت براوە بین.
/ ئێمە لەخولدا بەشێوەیەکی باش یاریی دەکەین، دەبێت کلاسیکۆ براوە بین
/ ئامانجمان بردنەوەى کلاسیکۆیە و متمانەشمان بەخۆمان هەیە
/ لەخولی یانە پاڵەوانەکاندا هەندێ هەڵەى تاکمان هەبوو
/ دەمەوێت تیپەکە گەشە پێ بدەم و ئەنجامەکانیشی باشتر بکەم، یارییەکانی ئینتەر و بایرن باش یاریمان کردوە بەڵام ئەنجامەکەى باش نەبووە
/ هێشتا زۆری ماوە وەرزەکە کۆتایی بێت، سەرۆک پشتگیریمان دەکات و هەمیشە ئیجابییە ، ئەوەى لە یارییەکەى ئینتەر رویدا ناخۆش بوو
/ دەمانەوێت بە یەکەوە هێرش ببەین و پێکەوە بەرگریی بکەین، فشاریان دەکەینە سەر لە یاریگاى خۆیان، ناشبێ بڕیاری خێرا بدەین
/ لە چامپیۆنز لیگ شکستمان هێناوە بەڵام لەخول ئەنجامەکانمان زۆر باشن
/ پێموایە تیپەکە متمانەى بەخۆیەتی و ئازایەتی تیا بەدی دەکرێت، تا دوا هەنگاو دەجەنگین
/ پێویستە لە روی شوت لێدانەوە باشتر بین، بەتایبەت مارکۆس و رافینیا و دێمبلی
