ڕەوتێكی سیاسیی نوێ لەناو بزوتنەوەی ئیسلامی ڕاگەیەندرا كە كامیل حاجی عەلی ڕابەرایەتی دەكات.
ئەمڕۆ یەكشەممە، ژمارەیەك لە ئەندامانی پێشووی بزوتنەوەی ئیسلامی كە نیگەران بوون لە دەرئەنجامەكانی كۆنگرەی حزبەكەیان و كۆبوونەوە و كۆنگرەیەكی ڕۆژنامەوانییان ئەنجامدا.
لە كۆنگرەكەدا كامیل حاجی عەلی ڕایگەیاند، “زۆر چاوەڕێمان كرد، بەڵام عیرفان عەبدولعەزیز نایەوێت ملكەچی دادپەروەری بێت و پێشتر سێجار لەگەڵ عیرفان عەبدولعەزیز كۆبوونەوەم ئەنجامداوە و ئامادەنەبووە دەستلەكاربكێشێتەوە”.
ڕاشیگەیاند، “ئەندامانی ئێستای بزوتنەوەكە شەرعییەتی یاسایی و سیاسییان نەماوە و شەرعییەت لای ئێمەیە بۆیە لە ئەمڕۆوە ڕەوتێكی سیاسیمان لەناو بزوتنەوەكەدا ڕاگەیاندووە و شەرعییەتی بەڕێوەبەردن و كارگێڕیی بزوتنەوەكە لای ئێمەیە و ئەگەر عیرفانی عەبدولعەزیز ئامادەبێت دەتوانێت وەكو ئەندامێك كار بكات ئەگەر نا دەبێت بچێتەوە ماڵەوە و دابنیشێت”.
