ڕووداوێکی هاتوچۆ لە سەر ڕێگەی دەربەندیخان ڕوویدا و بەهۆیەوە پێنج کەس گیانیان لەدەستدا، کە سەرجەمیان پێشمەرگەن.
جاسم عەلی خان بەڕێوەبەری هاتوچۆی دەربەندیخان بە تۆڕی میدیایی ئێستای ڕاگەیاند، ڕووداوەکە لەسەر ڕێگای دەربەندیخان – زەڕایەن ڕوویداوە و لەنێوان بارهەڵگرێک و تۆیۆتا کراونێکدا بووە.
ئاماژەی بەوەکرد لە ڕووداوەکەدا پێنج کەس گیانیان لەدەستداوە کە سەرجەمیان سەرنشین و شۆفێری توێتا کراونەکە بوون و سەرجەمیان پێشمەرگەن.
ڕووداوەکە بەهۆی هەڵەی تۆیۆتا کراونەکەوە بووە کە ویستوویەتی بە هەڵە دەربچێت.
