22 كەس كە بە نایاسایی لە عێراقن دەستگیركران و بڕیاری سنوورداشكردنیان درا.
وەزارەتی ناوخۆی عێراق ئەمڕۆ هەینی ڕایگەیاند، هێزە ئەمنییەكان 22 كەسیان لە بەغداد دەستگیركردووە كە مەرج و یاسای نشینگە و مانەوەیان پێشێلكردبوو.
بەپێی ڕاگەیەندراوی وەزارەتی ناوخۆ، ئەو كەسانە لە لایەن بەڕێوەبەرایەتیی باری شارستانی و پاسپۆرت و مانەوەوە زانیارییان لەبارەوە كۆكراوەتەوە و دەركەوتووە بەبێ بوونی بەڵگەنامەی ڕێپێدان، ڕوویان لە بەغداد كردووە و تیایدا ماونەتەوە.
وەزارەتی ناوخۆی عێراق ئاشكرایكردووە، ئەو كەسانە لە وڵاتانی بیانییەوە هاتوونەتە عێراق و بە هاوكاریی دەزگای هەواڵگریی نیشتمانی و ئاژانسی هەواڵگری و لێكۆڵینەوەی فیدراڵی دەستگیركراون و دەنێردرێنەوە بۆ وڵاتەكانیان، بەبێ ئەوەی ناوی وڵاتەكان و ڕەگەزنامەی ئەو 22 كەسە ئاشكرابكات.
