نرخی نەوت لە بازاڕەكانی جیهان زیاتر دابەزی و یەك بەرمیل نەوتی خاوی برێنت بە خوار 87 دۆلار مامەڵەی پێوەدەكرێت.
بەیانی ئەمڕۆ هەینی، یەك بەرمیل نەوتی خاوی برێنت لە بازاڕەكانی جیهان بە 86 دۆلار و 76 سەنت مامەڵەی پێوەدەكرێت بە بەراورد بە نرخەكەی لە دوێنیدا دابەزینی بەخۆوە بینیوە و یەك بەرمیل نەوتی خاوی برێنت بەسەروو 87 دۆلار مامەڵەی پێوەكراوە.
یەك بەرمیل نەوتی خاوی تەكساس بە 80 دۆلار و 85 سەنت مامەڵەی پێوەدەكرێت.
بەهۆی جەنگی ئۆكرانیاوە، ماوەی نزیكەی هەشت مانگە نرخی نەوت بەردەوام بەرزبوونەوەی بەخۆوە بینیوە و نرخەكەی لە بازاڕەكانی جیهاندا جۆرێك لە ناجێگیری پێوەدیاربووە.
