د. جەمال فواد وەزیری پێشووتری كشتوكاڵ لە حكومەتی هەرێم و برای خوالێخۆشبوو د. كەمال فواد ئەندامی دەستەی دامەزرێنەری یەكێتیی نیشتمانیی كوردستان كۆچی دوایی كرد.
د. جەمال فواد، كەسایەتییەكی ڕۆشنبیر و ناسراو بوو، هەروەها پسپۆری بواری كشتوكاڵ بووە و پەیوەندییەكی پتەوی لەگەڵ ناوەندە نێودەوڵەتییەكان و ڕێكخراوە جیهانییەكاندا هەبوو.
ئەمڕۆ چوارشەممە، د. جەمال فواد لە ئەمریكا كۆچی دوایی كردووە و ساڵانێكی زۆر وەك مامۆستا لە زانكۆی سلێمانی خزمەتیكردووە پێشتر وەزیری كشتوكاڵ بووە لە هەردوو حكومەتی عێراق و هەرێمی كوردستاندا و یەكێك لە كارە جوانەكانی بۆ شاری سلێمانی سەوزكردن و بە دارستانكردنی بناری چیای گۆیژە بوو، هەروەها پەرۆشێكی ڕاستەقینەی بواری ژینگە بووە و جێدەستی دیارە.
