سەرۆكایەتیی شارەوانیی سلێمانی ئەو هاوڵاتییانە ئاگاداردەكاتەوە كە مامەڵەیان پێشكەش بە پارێزگای سلێمانی كردووە بۆ تاپۆكردنی خانووە زیادەرۆِكانیان.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەو هاوڵاتییانەی داواكارییان پێشكەش بە پارێزگای سلێمانی كردبوو بۆ تاپۆكردنی خانووە زیادەڕۆكانیان مامەڵەكانیان تەواوبووە و لەلایەن لیژنەی باڵای جێبەجێكردنی یاسای ژمارە 3ی ساڵی 2019 هەمواركراو و وەڵامی یەكلاكەرەوەیان لەسەر دراوە.
هەر لە راگەیەندراوەكەدا هاتووە، هاوڵاتییان دەتوانن لە رۆژی یەكشەممەی داهاتووەوە سەردانی بەشی موڵكایەتی بكەن لە نهۆمی یەكەمی سەرۆكایەتیمان بەمەبەستی زانینی ئەنجامی داواكارییەكانیان.
