وەزیری كاری عێراق ڕایگەیاندووە، هاوكاری دابەش دەكەن بەسەر زیاتر لە یەك ملیۆن و 300 هەزار خێزانی عیراقی، هەرێمی كوردستان ناگرێتەوە.
عادل ڕكابی، وەزیری كاری عێراق و سەرۆكی دەستەی پاراستنی كۆمەڵایەتی ئەمڕۆ پێنجشەممە 3ی كانونی یەكەم ڕایگەیاند، “بڕی 206 ملیار دیناری عێراقی وەك هاوكاری كۆمەڵایەتی دابەش دەكەن بەسەر یەك ملیۆن و 300 هەزار خانەودەی عێراقیدا”.
ئەو وەزیرەی عێراقییە ئەوەشی ڕاگەیاندووە، ئەو هاوكارییە بۆ بەغداد و پارێزگاكانی دیكەی عێراقە بەدەر لە هەرێمی كوردستان.
داوا لەو خانەوادانە كراوە كە سوودمەند دەبن لەو هاوكارییە، لەكاتی ڕێوشوێنەكانی وەرگرتنی پارەكەدا پابەندی ڕێكارەكانی خۆپارێزی بن بۆ ئەوەی تووشی كۆرۆنا نەبن.
