بەهۆی شەڕی نێوان دوو بنەماڵەوە، حەوت كەس لە قەزای ئاكرێ برینداربوون.
عەمید ڕەشید محەمەد بەڕێوەبەری پۆلیسی ئاكرێ بۆ تۆڕی میدیایی ئێستا دوا و لەبارەی ڕووداوی شەڕكردنەكەوە ئاشكرایكرد، هەردوو لایەنی شەڕەكە دراوسێی یەكترن و بەهۆی ناكۆكی لەسەر زەوی و زارەوە شەڕ لە نێوانیاندا دروستبووە.
بەڕێوەبەری پۆلیسی ئاكرێ ڕایگەیاند، حەوت كەس لە هەردوولا برینداربوون كە سیانیان ژنن و لەناو بریندارەكاندا منداڵیش هەن.
عەمید ڕەشید محەمەد وتیشی، 10 كەس لەسەر ئەو شەڕ و كێشەیە دەستگیركراون و لێكۆڵینەوە دەستیپێكردووە.
