ڕایەڵەی یانەکانی خولی ئیسپانیا بەفەرمی کات و وادەی کلاسیکۆی چوونی خولی ئیسپانیای دیاریکرد.
بەپێی ڕاگەیاندراوێک کە لەلایەن ڕایەڵەی یانەکانی لالیگاوە بڵاوکراوەتەوە، بڕیاردراوە یاریی قۆناغی یەکەمی کلاسیکۆی ئیسپانیا لە ڕێکەوتی 16ی تشرینی یەکەم لە نێوان یانەکانی ڕیاڵ مەدرید و بەرشلۆنە لە یاریگای سانتیاگۆ بێرنابیۆ ئەنجام بدرێت.
لە خشتەی یارییەکاندا هاتووە، بەهۆی جیاوازی کاتی نێوان سەنتەری ئەوروپا و کیشوەرەکانی ئاسیا و ئەفریقاوە، بڕیاردراوە کلاسیکۆی بێرنابیۆ کاتژمێر (5:15) بکرێت، ئەم بڕیارەش هاوشێوەی ساڵانی ڕابردووە.
🚨 OFICIAL: El Real Madrid-Barça, el domingo 16 de octubre a las 16.15h. (DAZN)
🏟🕞 El Clásico del Santiago Bernabéu favorecerá la audiencia asiática como ocurre cada temporada en la primera vueltahttps://t.co/ZThCtoKDbk
— Mundo Deportivo (@mundodeportivo) September 26, 2022
ڕیاڵی شاهانە و بارسای کەتەلۆنی لە هەفتەی نۆیەمی کێبڕکێکانی لالیگا یەکەمین کلاسیکۆی ئەم وەرزە (2021/2022) ئەنجام دەدەن، بەر لەو یارییەش یانەی شاهانە بەرامبەر یانەکانی ئۆساسونا، شاختار (دووجار)، خیتافی یاری دەکات، یانەی بەرشلۆنەش ڕووبەڕووی یانەکانی مایۆرکا، ئینتەر میلان (دووجار)، سێلتا ڤیگۆ دەبێتەوە.
