بەڕێوەبەرایەتیی پۆلیسی زاخۆ ڕایگەیاند، بەهۆی دروستبوونی شەڕ لە گازینۆیەکی شارەکە کەسێک بە دەمانچە کوژراوە.
لە ڕاگەیەندراوێکی پۆلیسی زاخۆدا هاتووە، لە کاتژمێر 8:30ی ئەمشەو لە یەکێک لە گازینۆکاندا شەڕ لەنێوان دوو کەسدا ڕوویداوە، کەسێکیان کوژراوە.
ئەماژە بەوەکراوە، ئەو کەسەی کوژراوە ناوی “ا. ع . ع”ە و بکوژەکەش ناوی “و. ج . ع”ە و تەمەنی 31 ساڵە.
پۆلیسی زاخۆ ڕایگەیاندووە، تۆمەتبارەکە دەستگیرکراوە و پەڕاوی لێکۆڵینەوە بۆ ڕووداوەکە کراوەتەوە.
