سەرچاوەیەكی دیپلۆماسی لە ئەنقەرە ئاشكرایكردووە، حكومەتی توركیا هێشتا بیری لەوە نەكردووەتەوە سنوورەكانی بەڕووی گەشتیاراندا دابخات، هەرچەندە ژمارەی توشبوون بە كۆرۆنا لەو وڵاتە ڕوو لە زیادبوونە.
ئەمڕۆ چوارشەممە 2ی كانونی یەكەم، سەرچاوەیەكی دیپلۆماسی لە ئەنقەرە بە ئاژانسی “نۆڤۆستی” ڕاگەیاندووە، بابەتی داخستنی سنوورەكان لەلایەن توركیاوە پێشنیار نەكراوە.
وڵاتی توركیا هەرچەندە ڕێژەی توشبوون بەكۆرۆنا تیایدا بەرزە، بەڵام سنوورەكانی بەڕووی گەشتیاراندا دانەخستووە.
ڕەجەب تەیب ئەردۆغان، سەرۆككۆماری توركیا پێشتر بۆ ڕوبەڕوبوونەوەی پەتای كۆرۆنا چەند ڕێكارێكی ڕایگەیاند، ئێستا لەو وڵاتە شەوانی چەند ڕۆژێكی هەفتە قەدەغەی هاتوچۆیە.
