بڕیارە هەفتەی داهاتوو رەجەب تەیب ئەردۆغان،سەرۆك كۆماری توركیا لەگەڵ وەفدی دانوستانكاری ئیمراڵی دەم پارتی كۆببێتەوە بەمەبەستی خێراتركردنی هەنگاوەكانی پرۆسەی ئاشتی لە توركیا.
عومەر چەلیك وتەبێژی ئاكەپە رایگەیاند ،ئەو پڕۆسەیەی كە بەبانگەوازەكانی هاوپەیمانیی گەل دەستیپێكرد دواتر گۆڕا بۆ سیاسەتی دەوڵەت، پرۆسەیەكی گرنگ و چارەنووسسازە.
وتیشی،”هەفتەی داهاتوو رەجەب تەیب ئەردۆغان، سەرۆك كۆماری توركیا پێشوازی لە وەفدی ئیمرالی دەم پارتی دەكات وكاركردن لەسەر ئەو پرسە بەخێرایی بەرەوپێش دەچێت”.
