گەنجێكی كورد لە بەریتانیا كوژرا، گومانلێكراو هاوڕێیەكی نزیكی خۆیەتی كە خەڵكی هەمان ناوچەن.
ئەمڕۆ گەنجێكی كوردی خەڵكی شارۆچكەی ڕانیە و پەنابەر لە بەریتانیا بە ناوی (باکۆ ئازاد حاجی شێخە) بە كوژراوی دۆزرایەوە.
پەیامنێرمان لە ڕاپەڕین پێی ڕاگەیاندین، گەنجەكە بە چەقۆ كوژراوە، بەپێی زانیارییە سەرەتاییەكان گومانلێكراوی ڕووداوەكە گەنجێكی هاوڕێیەتی كە بەهەمان شێوە خەڵكی ڕانیەیە، پێكەوە ڕۆیشتوون بۆ دەرەوەی وڵات و لە بەریتانیا-ش پێكەوە لە یەك ماڵدا ژیاون.
وتیشی، ڕووداوەكە لەسەر كێشەی پارە بووە.
