وتەبێژی بەڕێوەبەرایەتیی بەرگریی شارستانی هەولێر ڕایدەگەیەنێـت، كەمێك پێش ئێستا ئاگر لە كۆگایەكی بازاڕی شێخەڵڵا لە شاری هەولێر كەوتەوە و تیمەكانی بەرگریی شارستانیی هەولێر لە هەوڵی كۆنتڕۆڵكردنی ئاگرەكەدان.
نەقیب سەركەوت كاڕەش، وتەبێژی بەڕێوەبەرایەتیی بەرگریی شارستانی هەولێر لە لێدوانێكدا بە تۆڕی میدیایی ئێستای ڕاگەیاند، ئێوارەی ئەمڕۆ سێشەممە، بە هۆكارێكی نادیار ئاگر لە كۆگایەكی بازاڕی شێخەڵڵا كەوتووەتەوە كە كۆگاكە تایبەت بووە بە جوانكاری و بۆنی سپرای تێدا بووە.
ئاماژەی بۆ ئەوەش كرد، “لە ئێستادا تیمەكانی بەرگریی شارستانی لە هەوڵی كۆنتڕۆڵكردنی ئاگرەكەدان و ڕووداوەكەش تەنها زیانی ماددی هەبووە”.
