وتەبێژی بەنزینخانەكانی سلێمانی ڕایدەگەیەنێت، سبەینێ نرخی بەنزینی هەرزان دەبێت.
بەهمەن شێخ قادر، وتەبێژی بەنزینخانەكانی سلێمانی لە لێدوانێكدا بە تۆڕی میدیایی ئێستای ڕاگەیاند، سبەینێ پێنجشەممە، نرخی بەنزینی نۆرماڵ 75 دینار و موحەسەن و سۆپەر 50 دینار هەرزان دەبێت.
وتەبێژی بەنزینخانەكانی سلێمانی هۆكاری هەرزان بوونی نرخی بەنزینی بۆ بۆرسەی جیهانی و زیادكردنی بەرهەمی بەنزین لە بەنزینخانەكان گەڕاندەوە كە لە ڕێگەی حكومەتی بەغداد و وەزارەتی سامانە سروشتییەكانەوە بڕی پێویست بەنزین بۆ بەنزینخانەكان دابیندەكرێن.
