یانەی نیوکاسڵ لە یاریگای خۆیدا یاریی هەفتەی سێیەمی وەرزی نوێ (2022/2023)ی بەرامبەر مانچستەر سیتی ئەنجامدا، یارییەکە بە یەکسانبوون کۆتاییهات.
ئەمڕۆ یەکشەممە، لە چێوەی یارییەکانی هەفتەی سێیەمی خولی نایابی ئینگلتەرا “پریمەرلیگ”، یانەی نیوکاسڵ یونایتد لە یاریگای “سەینت جەیمس پارک” میوانداریی مانچستەر سیتی کرد، یارییەکە بە ئەنجامی یەکسانبوون (3-3) کۆتاییهات.
گۆڵەکانی نیوکاسڵ لە خولەکەکانی 28، 39، 54 لەلایەن میگێل ئالمیرۆن، کالیوم ویڵسۆن، کیران تریپیێ-وە تۆمارکران، گۆڵەکانی “سیتیزن” لە خولەکەکان شەش، 61، 64 لەلایەن ئیلکای گۆندوگان، ئێرلینگ هالاند، بێرناردۆ سیلڤاوە تۆمارکران.
بەپێی ئەنجامە تۆمارکراوەکە، مان سیتی بە کۆکردنەوەی حەوت خاڵ چووە پلەی دووەم، یانەی نیوکاسڵی ڕکابەریشی بە پێنج خاڵەوە بۆ پلەی شەشەم دابەزی.
