وەزارەتی كار و كاروباری كۆمەڵایەتی ژمارەیەك هەلی كار ڕادەگەیەنێت و داوادەكات خوازیاران فۆڕم بە شێوەی ئۆنلاین پڕبكەنەوە.
وەزارەتی كار و كاروباری كۆمەڵایەتیی هەرێم ڕایگەیاند، پێویستیان بە دامەزراندنی ژمارەیەك لە هەڵگرانی بڕوانامەی (بەكالۆریوس)ە لە بوارەكانی (كارگێڕی، ژمێریاری، یاسایی، توێژەری كۆمەڵایەتی، توێژەری دەروونی و تەكنەلۆجیای زانیاری)، هەروەها هەڵگرانی بڕوانامەی (ئامادەیی) بۆ پیشەی (شۆفێر)ی هەیە بۆ بەڕێوەبەرایەتیی چاودێری و گەشەپێدانی كۆمەڵایەتی لە قەزای سەیدسادق.
مەرجە پێشكەشكاری فۆرمی دامەزراندن تەمەنی نێوان (24 بۆ 35) ساڵ و دانیشتووی قەزای سەیدسادق بێت، وەك ئەوەی وەزارەتەكە ئاماژەی پێداوە.
دەشڵێت، پڕكردنەوەی فۆڕم تەنها بەشێوەی ئۆنلاین دەبێت بۆ ماوەی یەك هەفتە لەمڕۆ 8/21ەوە تا 2022/8/27.
بۆ پڕكردنەوەی فۆڕم كلیك لێرە بكە.
