دەنگی تەقینەوەیەك لە خانەقین بیسترا، بەپێی زانیارییەكانی ئێستاش بۆمبی چێندراو بووە لە یەكێك لە گەڕەكەكانی قەزاكە دانرابوو.
سەرچاوەیەك لە ئاسایشی خانەقین بە تۆڕی میدیایی ئێستای ڕاگەیاند، هێزەكانیان لە بوونی بۆمبێكی چێندراو لە گەڕەكی سیروان لە قەزای خانەقین ئاگاداركراوەتەوە.
ئاماژەی بەوەشكرد، زانیارییان هەبووە كە بۆمبێكی چێندراو دانراوە و ئەوان هێزەئەمنییەكانیان ئاگاداركردووەتەوە و دواتر بە هاوبەشی توانیویانە بۆمبەكە پووچەڵ بكەنەوە و بیتەقێننەوە.
باسی لەوەشكرد، تەقینەوەی بۆمبەكە هیچ زیانێكی ماددی و گیانی نەبووە.
