سەرۆكی ڕەوتی سەدر گەیشتە ماڵی مەرجەعی باڵای شیعەكان لە عێراق.
پێش نیوەڕۆی ئەمڕۆ موقتەدا سەدر سەرۆكی ڕەوتی سەدر گەیشتە ماڵی عەلی سیستانی مەرجەعی باڵای شیعەكان لە عێراق كە دەكەوێتە پارێزگای نەجەف.
بەپێی میدیاكان سەردانەكە بەمەبەستی ئامادەبوون بووە لە ڕێوڕەسمی عاشورا، هاوكات لەگەڵ ڕۆژانی مانگی موحەرەم، ڕوونیان نەكردووەتەوە ئایا پرسە سیاسییەكان و دۆخی عێراق و ناكۆكییەكانی نێو ماڵی شیعە لەو سەردانەدا تاوتوێدەكرێت یان نا.
سەردانەكە دوای كۆبوونەوەكەی دوێنیی نێوان موقتەدا سەدر و جینین پلاسخارت نوێنەری تایبەتی ئەمینداری گشتی نەتەوە یەكگرتووەكان بۆ عێراق دێت، پاش سەردانەكەی بۆ حەنانە.
