مەشق و ئامادەكارییەكانی یانەی مانچستەر یونایتد بۆ یارییەكەی برایتۆن لە خولی ئینگلتەرا دەستیپێكرد.
مانچستەر یونایتد ڕۆژی یەك شەممە لە یاریگای خۆی میوانداری یانەی برایتۆن دەكات.
پێش ئەو یارییە ئامادەكارییەكانی مانچستەر یونایتد دەستی پێكرد.
سەرجەم یاریزانەكان لە ڕاهێنانەكاندا ئامادە بوون لەسەرو هەموویانەوە ڕۆناڵدۆی پورتوگالی.
تین هاگی ڕاهێنەری مانچستەر یونایتد داوای پێنج یاریزانی نوێی كردووە بۆ ڕیزەكانی، تا ئێستا یانەكە سێ یاریزانی بۆ كڕیوە.
بە پێی ڕاگەیاندنەكان هێشتا ڕۆناڵدۆ بۆ یاریكردن ئامادە نییەو ئەگەر زۆرە لەیەكەم یاریدا لەسەر كورسی یەدەگ دابنرێت.
