پارێزگاری هەولێر ڕایگەیاند، بەردەوامن لە بەدواداچوونەکانیان بۆ فرۆشتنی بەنزینی خراپ لەلایەن بەنزینخانەکانەوە و کۆی گشتیی ئەو بەنزینخانانەشی بەوهۆیەوە سزادراون گەیشتوەتە 172 بەنزینخانە.
لە ڕاگەیەندراوێکدا پارێزگاری هەولێر بڵاویکردەوە، لەلایەن لیژنەکانی چاودێریی سەر بە بەڕێوەبەرایەتیی نەوت و کانزاکانی هەولێرەوە، 21 بەنزینخانەیان سزاداوە، کە سەرجەمیان دەستکاریی کوالێتیی بەنزینیان کردووە و بەنزینی خراپیان فرۆشتووە.
ئاماژەی بەوەشکردووە، ژمارەی ئەو بەنزینخانانەی لە مانگی حوزەیرانەوە بەوهۆیەوە سزادراون گەیشتووەتە 172 بەنزینخانە.
بەپێی ڕاگەیەندراوەکەی پارێزگاری هەولێر شەش بەنزینخانە سەرپێچییەکانیان زۆر دووبارە کردووەتەوە و بەوهۆیەوە ناوەکانیان بڵاودەکەنەوە کە بریتیین لە:
یەکەم/ وێستگەى ئارام محەمەد
دووەم/ وێستگەى ژیلوان
سێیەم/ وێستگەى جێگر
چوارەم/ وێستگەى زێڕ
پێنجەم/ وێستگەى سه‌یداوه
شەشەم/ وێستگەى (یارا / میهن)
