بەڕێوەبەری پەروەردەی سلێمانی لەبارەی ڕاگەیاندنی فرۆشتنی ژمارەیەک ئاژەڵەوە ڕوونکردنەوە بۆ تۆڕی میدیایی ئێستا دەدات و ڕایگەیاند، بەرهەمی ئامادەییەکانی کشتوکاڵن.
لە لێدوانێکیدا بۆ تۆڕی میدیایی ئێستا مامۆستا دڵشاد عومەر بەڕێوەبەری پەروەردەی سلێمانی لەبارەی فرۆشتنی ئاژەڵەوە لەلایەن بەڕێوەبەرایەتییەکەیانەوە ڕایگەیاند، ئەو ئاژەڵانەی ڕامانگەیاندوون بۆ فرۆشتن بەرهەمی ئامادەییەکانی کشتوکاڵن لە سلێمانی کە چەند خوێندنگەیەکی ئامادەیی کشتوکاڵیمان هەیە.
وتیشی، “ئەو ئاژەڵانە سەرجەمیان بەرهەمی کاری خوێندکارەکانی ئامادەییەکانی کشتوکاڵن و ساڵانە دەیانفرۆشین، باسی لەوەشکرد، کە جگە لە ئاژەڵ، پەلەوەر و گەنم و هێلکەشیان هەیە بۆ فرۆشتن و ئەوانیش بەرهەمی ئەو ئامادەییانەن، “ئەمساڵ بڕێکی باشی گەنممان فرۆشتووە”.
سەبارەت بە داهاتەکەی ئاشکرایکرد، داهاتی فرۆشتنی ئەو بەرهەمانە بەشێکی بۆ خەزێنەی گشتی و بەشێکیشی دەگەڕێنرێتەوە بۆ خوێندکارەکان.
