لە بەغداد دایك و باوكێك دەستگیركران كە كچەكەیان لە بەرامبەر 10 هەزار دۆلار فرۆشتبوو بە ژنێك.
بەپێی هەواڵی میدیا عێراقییەكان، دوای گەیشتنی زانیاریی بە بەشی پۆلیسی بەرەنگاربوونەوەی تاوان، دایك و باوكێك كچەكەیان لە بەرامبەر 10 هەزار دۆلار فرۆشتووە بە ژنێك كە كاری “لەشفرۆشی” دەكرد.
باسی لەوەشكردووە، تیمەكان بۆسەیان بۆ دایك و باوكی كچەكە لەگەڵ تۆمەتبارانی كڕینەكەی داناوە و توانیویانە لەناوچەی مەنسوور دەستگیریان بكەن.
لە لێكۆڵینەوەكانیشدا دایك و باوكی كچەكە دانیان بەوەداناوە كە ڕێككەوتوون لەگەڵ ئەو ژنەدا كچەكەی خۆیان لە بەرامبەر 10 هەزار دۆلار پێ بفرۆشن.
تۆمەتبارەكانیش بە پێی ماددەی 6ی یاسای بازرگانیكردن بە مرۆڤەوە دەستگیركراون.
