بە دروشمی “یەکدەستین لەپێناو پاراستنی دارستانی گۆیژە”، هەڵمەتی گشتگیر بۆ پاراستنی سنوورە دارستانییەکانی گۆیژە و ئەزمڕ لە سلێمانی دەستیپێکرد.
ئەمشەو هەینی هێزەکانی ئاسایش، پۆلیس، پۆلیسی دارستان، هاتوچۆ، لیوای یەکی پاراستنی سلێمانی، بەرگریی شارستانیی سلێمانی، بە هاوکاریی بەڕێوەبەرایەتیی دارستان و پاوانی سلێمانی لەناو پڕۆژەی دارستانی ئەزمڕ دەستیان بە کارەکانیان كرد.
بەپێی پلانەكە، ستافی ئێشکگر و تیمی گەڕۆک بۆ هۆشیارکردنەوە و رێنماییدان بە گەشتیاران و هاوڵاتییان جێگیردەكرێن و سەبارەت بە قەدەغەی ئاگرکردنەوە و مانەوە لەسەر گۆیژە ڕێنمایی بە هاوڵاتییان و گەشتیاران دەدەن.
