دوای ئەوەی تەكسییەك لە سلێمانی گریگرت و زیانی بەركەوت، شۆفێران و هاوڵاتییان بە كۆكردنەوەی كۆمەك پاڵپشتییان بۆ دەربڕی.
ئێوارەی ئەمڕۆ لەسەر شەقامی بازنەیی مەلیك مەحمود لە سلێمانی ئۆتۆمبێلێكی تەكسی لە جۆری كرۆلا گریگرت و بەهۆیەوە زیانی گەورەی بەركەوت.
ڕووداوەكە جگە لە زیانی ماددی، زیانی گیانی لێنەكەوتەوە.
دوابەدوای ڕووداوەكە بەشێك لە ڕێبوار و شۆفێرانی شەقامەكە هەڵمەتێكی كۆكردنەوەی پارەیان بۆ شۆفێرەكەی دەستپێكرد.
غاندی هەڵەبجەیی یەكێكە لەو كەسانە، سەرەڕای ناردنی ڤیدیۆی ساتی كۆكردنەوەی كۆمەكەكە بۆ تۆڕی میدیایی ئێستا، خۆشحاڵی خۆی بەو ئاستی هەرەوەز و پاڵپشتییە دەربڕی و بە یەكێك لە جوانی و زیندوێتییەكانی شاری سلێمانی و هاوڵاتییانی كورد ناویبرد.
