وەزارەتی کارەبای هەرێم رایدەگەیەنێت، “دوای کۆنترۆڵکردنی ئاگرەکەی وێستگەی کارەبای ئازادی، ئێستا وێستگەکە کەوتووەتەوە کار”.
لەبارەی سووتانی وێستگەیەکی کارەبا لە هەولێر، وەزارەتی کارەبای هەرێمی کوردستان رایدەگەیەنێت، “تیمەکانی کارەبای هەولێر بە یارمەتی تیمەکانی ئاگرکوژێنەوە، ئاگرکەوتنەوەی وێستگەی کارەبای ئازادییان کۆنترۆڵکرد”.
ئاماژە بەوەش دەکات، “ئێستا تیمەکانی دابەشکردنی کارەبای یەکی هەولێر و گواستنەوە، کار لەسەر گۆڕینی کێبڵە سووتاوەکان و نەهێشتنی ئاسەواری ئاگرکەوتنەوەکە دەکەن و کارەبایان بۆ گەڕەکەکانی سنووری وێستگەی ئازادی گەڕاندەوە، کە بە هۆی ئاگرکەوتنەوەی شەوی رابردوو چەند گەڕەکێکی سنوورەکە بێ کارەبا بوون”.
