هێزی دەریایی ئەمریكا، شەش هەزار كەسی بە هەڵە ژەهراویكرد و هۆكارەكەی بۆ “گەندەڵی” دەگەڕێندرێتەوە.
ڕووداوەكە لە بنكەی پێرل هاربەر لە هاوای ڕوویداوە، ژەهراویبوونەكە لە ڕێگەی دزەكردنی سووتەمەنیی فڕۆكە و تێكەڵبوونی لەگەڵ ئاوی خواردنەوەدا بووە.
بەپێی میدیای ئەمریكی، سووتەمەنیی فڕۆكە بە شێوەیەكی خراپ هەڵگیراوە و بەهۆی خراپ بەڕێوەبردن و كەمتەرخەمییەوە، تێكەڵ بە ئاوی خواردنەوە بووە و شەش هەزار كەس ژەهراویبوون، ناچارانە سوپای ئەمریكا هەزاران كەسی لە خێزانی سەربازانی بنكەكە دوورخستووەتەوە.
زانیارییەكان دەڵێن، شەش هەزار كەس بەهۆی بەكارهێنانی ئەو ئاوەی ژەهراویبووە، تەندروستییان تێكچووە و تووشی گێژبوون و ڕشانەوە و دەركەوتنی پەڵە لەسەر پێست و نیشانەی تری تەندروستی بوون.
