دەستەی وەبەرهێنانی هەرێمی كوردستان بڵاویكردووەتەوە، پڕكردنەوەی فۆڕمی كرێنشینان بۆ وەرگرتنی یەكەكانی نیشتەجێبوون دوو ڕۆژی دیكە درێژكرایەوە.
بەپێی ڕاگەیەندراوێكی دەستەی وەبەرهێنانی هەرێمی كوردستان تێیدا هاتووە، لەسەر داوای هاوڵاتییان و ئەوانەی تاوەكو ئێستا نەیانتوانیووە فۆڕمەكەپڕبكەنەوە، دەستەی وەبەرھێنان بڕیاریدا ماوەی دوو ڕۆژی دیكە بۆ پڕكردنەوەی فۆڕمەكە درێژبكاتەوە و هاوڵاتییان دەتوانن سوودمەندبن.
حكومەتی هەرێم بڕیاریدا 20 هەزار یەكەی نیشتەجێبوون دروستبكات كە لەڕێگەی فۆڕمەوە یەكەكان بەسەر كرێنشینان و هاوڵاتییانی كەمدەرامەتدا دابەشبكرێن.
